伍詠薇父親早逝未及報養育之恩 心痛爆喊：來世再做我爸爸

陳敏之的YouTube節目第一集出動「契姐」伍詠薇（伍姑娘）分享性事，一集又點夠喉？兩人話題延續到第二集，敏之自爆經常被伍姑娘「欺凌」，直指伍姑娘很小器，但偏偏自己太愛鍚對方，「發覺愛一個人嘅程度係可以包容佢嘅無理、小器。」伍姑娘取笑敏之有被虐狂，亦自認是「小器精」，喜歡欺負敏之是有原因的，「因為我已經冇晒朋友，因為你同陳山聰係同我冇血緣關係嘅親人……」

{{hket:inline-image name="61.jpg"}}{{/hket:inline-image}}

伍詠薇係表情王，聽到敏之話被佢欺凌，嚇到「O咗嘴」。(網上截圖)

{{hket:inline-image name="69.jpg"}}{{/hket:inline-image}}

咁樣擺敏之老公上枱？(網上截圖)

陳敏之YouTube Channel│伍詠薇談性事笑稱後悔冇搞陳山聰 自爆2017年開始暴瘦背後原因 【下一頁】

伍姑娘表示近年學會「斷捨離」，包括朋友方面，認為道不同不相為謀，情願絕情不相交往，總好過假惺惺交戲做朋友。而她亦知道契妹很遷就她，遷就到有點擦鞋feel，敏之即反駁說：「唔係嘛，我擦你鞋？係咪似女朋友嗰種？遷就你啫！」她稱與伍姑娘無所不談，對方連身後事都向她交代，「即係你有乜嘢事要我幫手打點，連主持人都要我做埋……雖然我唔想講呢啲嘢，但你呢條友講得出口，我一定做得好好睇睇，所以你放心！」

在「答問題」環節，問到「如果敏之老公出軌，對象是伍姑娘？」伍姑娘又發揮她豪邁本性，自誇︰「梗係抵食啦！」而敏之回應︰「首先要知你愛唔愛我老公先？如果剩係齋想食佢，就一巴星死你！」

另一條問題「若有機會向一個人道歉……」伍姑娘認真說是「父親」，當時年紀太小未懂向父親表達心意，伍父在她18歲時病逝，「我哋好少溝通，爸爸喺我哋（3兄妹）未成熟嘅年紀離開，我哋未能報養育之恩……我想同我爸爸伍超傑先生講，來世再做我爸爸，因為好多情深說話未曾講，I love you.」伍姑娘眼眨淚光哽咽續說：「細個時屋企好窮，父母盡力畀晒最好嘅我哋……但父母無法享受到我哋嘅回報。」

敏之同樣向父母道歉，父母的婚姻不美滿，反叛的她從小在打打鬧鬧的聲音中長大，試過離家出走，「父親又嬲又擔心我……佢拎住把剪刀喺屋企樓下等我返嚟……諗番自己好不孝，但爸爸已經唔喺度，想講對唔住都冇機會！」

撰文：衛紫敏

同場加映：不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

Think Big︳黃庭鋒無悔放棄做英超戴翅偉 做藝人父母唔憂低收入反而最驚…… 【下一頁】